Оросын тэнгисийн цэргийн нисэх хүчнийхэн Калининград мужид хийж байгаа хээрийн сургуульдаа “Берлин рүү” гэсэн бичигтэй сургуулийн бөмбөг ашиглаж байгааг германы сэтгүүлчид илрүүлэн зургийг нь авчээ. Тэнгисийн цэргийн Flot.com сайтад нийтлэгдсэн энэ зурган дээр криллээр “Берлин рүү” гэсэн бичиг бүхий бөмбөгийг Ан-26 онгоцонд зүүсэн нь харагдаж байна.

 “Берлин рүү”, “Сталины төлөө” гэсэн уриа бичгийг Дэлхийн хоёрдугаар дайны үед орос цэргүүд онгоцны бөмбөг их бууны суман дээр их бичдэг байсан юм.
Энэ сарын эхнээс Балтийн тэнгист хийж байгаа Оросын тэнгисийн цэргийн хүчний хээрийн сургуульд ашиглаж байгаа ийм бичигтэй энэ  бөмбөг нь ОХУ болон Барууны сөргөлдөөн улам идэвхжиж байгаагийн илрэл гэж германы сэтгүүлчид үзэж байна.