ОХУ-ын ерөнхийлөгч Владимир Путин унтахынхаа өмнө Зөвлөлт Холбоот Улсыг сэргээх тухай мөрөөдсөөр байна гэж Польшийн ерөнхийлөгч Бронислав Коморовский хэлснийг “Польшийн радио” дамжуулжээ.
“Ерөнхийлөгч Путин унтахаар хэвтэхдээ Зөвлөлт холбоот улс, зөвлөлтийн эзэнт гүрнийг  яаж сэргээх вэ гэж боддог гэдэгт би итгэлтэй байна. Гэхдээ тэр мөнхөд ингэж мөрөөдөж байгаа ч цаг хугацааг эргүүлж  чадах уу даа. Уг нь оросын олон хүн ЗХУ задарч унасан нь өөрсдийнх нь хувьд сүйрэл байсан гэдэг байх” гэж Коморовский хэлсэн байна.
Польшийн ерөнхийлөгч бас Зөвлөлтийн эрин үе эх орон нэгтнүүдийнх нь хувьд хамгийн сайхан цаг байсан, тйим ч болохоор түүнийг эргүүлэн байгуулах хэрэгтэй гэж Путин сүүлийн хэдэн жилийн туршид бүр итгэл үнэмшилтэйгээр бодож байгаа гэж тэмдэглжээ. Үүний зэрэгцээ зөвлөлт засгийг сэргээх суртал нэвтрүүлгийг Кремль, бүр барууны хэвлэлээр дамжуулан  эрчимтэй хийж байгаа гэж Польшийн төрийн тэргүүн хэлжээ.