Олон улсын хөл бөмбөгийн холбоо /ФИФА/ гүйцэтгэх хорооныхоо ээлжит бус хурлыг долдугаар сарын 20-нд явуулахаар болсон тухай тус холбооны хэвлэлийн алба мэдээлж байна.

Гүйцэтгэх хороо ФИФА-гийн ерөнхийлөгчийн дахин сонгууль явуулах хугацааг хэлэлцэнэ. Хурлын үеэр мөн ФИФА-гийн бүтцэд зохион байгуулалтын шинэчлэл хийх асуудлыг хэлэлцэнэ.

ФИФА-гийн түүхэн дэх томоохон дуулиан тавдугаар сарын 27-нд Швейцарийн Цюрих хотод дэгдсэн билээ. Цюрихт тус холбооны долоон өндөр албан тушаалтныг авлигын хэрэгт сэжиглэн баривчилсан юм.

Авлигын хэргийн дуулианы үеэр тавдугаар сарын 29-нд ФИФА-гийн ерөнхийлөгчөөр улиран сонгогдсон Йозеф Блаттер огцрохоо мэдэгдсэн билээ.