“Алтанбулаг”  чөлөөт бүсийн захирагч П.Тогтохбаяр, ӨМӨЗО-ны  Ардын Засгийн газрын хилийн боомтын албан газрын  дарга Гө Ган нар өчигдөр хамтын ажиллагааны санамж бичигт гарын үсэг зурлаа. Хамтын ажиллагааны санамж бичгийн хүрээнд Алтанбулаг чөлөөт бүсэд хөрөнгө оруулалт хийх, худалдаа, үйлдвэрлэл,  үйлчилгээ эрхлэн явуулахад зориулсан бизнес мэдээллийн төв байгуулах, үйл ажиллагааг идэвхжүүлэх, харилцаа холбоог хөгжүүлэх зорилгоор олон улсын үзэсгэлэн худалдаа, хурал чуулган болон бусад арга хэмжээг тогтмол явуулах бизнес худалдааны төв байгуулах юм.
Түүнчлэн “Алтанбулаг”  чөлөөт бүсийн захирагч П.Тогтохбаяр, Алтанбулаг чөлөөт бүсийн хөрөнгө оруулагч “Урсгал зам”  ХХК-ийн захирал н.Зандан нар Алтанбулаг чөлөөт бүсэд байрлах 2.5 га газарт  БНХАУ-ын бүтээгдэхүүний үзэсгэлэн, худалдааны төв барьж байгуулахаар тохиролцсон байна.  
Гурван үе шаттай хэрэгжих төсөл нийтдээ  8.33 сая ам.долларын өртөгтэй.  Томоохон хэмжээний нэгдсэн зах, хөргөлттэй агуулах, гадна талбай, өргөгч кран, пүү, автомашины зогсоол, оффис зэргийг байгуулах талбай нь нийтдээ 14 мянган ам.метр байна. Энэхүү арга хэмжээ нь Монгол, БНХАУ, ОХУ-ын хөрөнгө оруулалтыг татах төдийгүй “Алтанбулаг” чөлөөт бүсийн цаашдын  хөгжилд онцгой хувь нэмэр оруулах юм.
Өнгөрсөн 25 жилд хашаанаас өөр зүйлгүй байсан Алтанбулагийн чөлөөт бүсийнхэн бас ийм нэг шинэ үлгэр зохиож эхэллээ.
Яахав хүн харахад нэг их ажил хийж байгаа юм шиг харагдах ч хашаан дотроо хятадын эзэмшлийн бүс гэсэн бас нэг хашааг хэдэн тэрбум төгрөгөөр л босгох байх даа.