Францын нийслэл Парисын ойролцоо зэвсэгт халдлага үйлдэхэд оролцохоор завдаж байсан хэмээн 35, 39 настай хоёр иргэнийг хууль сахиулагчид баривчиллаа гэж тус улсын Дотоод хэргийн сайд Бернер Казнев мэдээллээ.
Сайдын мэдээлснээр бол Алжираас ирж суралцаж байсан оюутан 24 настай Сид Ахмед Глэм өнгөрсөн дөрөвдүгээр сард Парисын ойролцоо халдлага хийхээр төлөвлөж байсанд энэ хоёр хүн оролцох гэж байсан нь мөрдөн байцаалтаас тодорхой болжээ.  
Глэм нийслэлээс өмнө зүгт орших Вильжюиф  хотын сүмд бөмбөг дэлбэлэхээр төлөвлөж байсан юм байна. Алжирын оюутан хэрхэн халдлага үйлдэх заавраа Сириэс авч байсныг хууль сахиулагчид тогтоожээ. Глэмийг бас эмэгтэй хүнийг алсан хэрэгт сэжиглэж байтал тэрээр өөрийгөө санамсаргүй буудсаны нь дараа дөрөвдүгээр сард баривчилсан юм.