Хятадын “Дорнын од” аяллын хөлөг Шар мөрөнд живж осолдсоны улмаас амь үрэгдэгсдийн тоо 431 хүрлээ гэж аврах албаныхан мэдээлснийг Синьхуа агентлаг дамжууллаа. Үүний өмнө 406 хүн амь үрэгдсэн, 36 хүн сураггүй алга болж, 14 хүнийг аварсан гэж мэдээлж байсан юм.
Нанкин хотоос хятадын баруун өмнөд нутгийн Чунчин руу зорчиж явсан багийн 46, зорчигч 405 хүнтэй аяллын “Дорнын од” хөлөг даваа гарагт Хубэй мужийн нутагт Шар мөрөнд живж осолдсон юм. Амьд гарсан зорчигчдын хэлснээр бол дөрвөн давхартай хөлөг ердөө 30-60 секундын хооронд живж 15 метрийн гүнтэй усан доор оржээ.
Даваа гарагаас эхлэн аврах ажилд 3,4 мянган цэрэг, 1,7 мянган цагдаа оролцож 250 хөлөг, хөнгөн завины тусламжтай хүмүүсийн цогцосыг  хайж байгаа юм.