Финляндын хоёр жуулчин бүсгүй Эстонийн нийслэл Таллины телевизийн цамхаг дээрээс хотыг үзэх гэж яваад ажиглах талбайгаас татуургаар буух үедээ 20 метрийн өндрөөс  унасан байна. Азаар амьд үлдсэн хоёр бүсгүйг эмнэлэгт хүргэсэн ч биеийн байдал хүнд байгаа гэнэ. Телевизийн цамхгийн захиргааны орлогч Рийна Роозипуу энэ тухайд бүсгүйчүүд буух хурдаа хэтрүүлсэн байх гэж мэдэгдсэн байна. Түүнийхээр бол зөвхөн тавдугаар сард гэхэд л хотыг үзэхээр ирсэн жуулчид 70 гаруй удаа ингэж буусан ч ямар нэгэн осол гараагүй гэнэ. Таллины телевизийн цамхаг нь 314 метр өндөртэй юм байна.