Түргэн хоолны сүлжээ компанийн хятад дахь салбар нутгийн гурван компанийг хүнсний бүтээгдхүүний чанарын талаар худал цуурхал тараасан хэмээн шүүхэд өгсөн байна. Нэхэмжлэлд хэрэг хариуцах хятадын гурван компани KFC-ийн зоогийн газруудад генийн өөрчлөлттэй, гурван хос далавч, найман хөлтэй тахианы махаар хоол хийж байна хэмээн интернетээр мэдээлэл цацсан гэжээ.
Үүний нь төлөө KFC дээрх компаниудаас тус бүр 1,5 сая юань буюу 245 мянган ам.доллар нэхэмжилж, худал мэдээлэл дамжуулснаа хүлээж уучлал гуйхыг хүсч  байгаа юм байна.
2015 оны эхний улиралд KFC-ийн хятад дахь салбар сүлжээний орлого өнгөрсөн оны мөн үеийнхээс 9 хувь буурч 362 сая доллар болсон гэнэ.