Хятадын Шар мөрнөөр Нанкин хотоос Чунциныг зорьж явсан аялал жуулчлалын “Дорнын од” хөлөг живсэн осол гарсан байна. Аврагчдын гаргаж авсан хөлгийн ахмадын хэлснээр бол хүчтэй салхинаас болж хөлөг живсэн гэнэ.
Дөрвөн давхар энэ хөлөг дээх жуулчид, аялал жуулчлалын компанийн төлөөлөгч, багийн гишүүн нийт 458 хүн явсан нь бүгд хятадын харьяат юм байна.
Ослын газарт аврагчид ажиллаж одоогоор дөнгөж 20 хүнийг авраад байгаа юм байна. Осол болсон газарт цаг агаар таагүй, хүчтэй салхи, ширүүн бороотой байгаа нь аврах ажилд хүндрэл учруулж байна гэж аврах багийнхан ярьжээ.