Тажикийн цагдаагийн тусгай салааны дарга асан, хурандаа Гулмурод Халимов нэг сарын өмнө сураггүй алга болсон гээд байтал Сирид очоод “Лалын улс” зэвсэгт бүлэглэлийн талд орчихсон байлдаж байгаа нь  сүлжээнд орсон дүрс бичлэгүүдэд гарчээ.
Бичлэг дээр Халимов мусульман хувцас өмсчихөөд хамтран зүтгэгчидтэйгээ явж байгаа нь гарч байна. Тэрээр өөрөө энэ тухайгаа Тажикийн Дотоод явдлын яам лал хувцас өмсөх, өдөр тутам таван удаагийн мөргөл хийхийг хориглодогт сэтгэл дундуур байсан гэжээ. Тэр бас  ОХУ, болон АНУ-ын тусгай ажиллагааны хамтарсан сургалтад оролцож байсан атлаа  орос-тажик, орос америкийн харилцааны талаар таашаадаггүй учраас ийм шийдэлд хүрсэн гэж ярьсан байна.
Гурван жилийн өмнө улсынхаа тусгай салааг удирдаж байсан 40 настай хурандаа төрийн дээд шагналаар удаа дараа шагнуулж байсан, найман хүүхдийн эцэг юм байна.
Тажикстаны Үндэсний аюулгүй байдлын хорооны мэдээллээр “Лалын улс” болон бусад алан хядагч бүлэглэлийн эгнээнд тус улсын 400 орчим иргэн элсэн байлдаж байгаа  юм байна.