Польш улсад ерөнхийлөгчийн сонгуулийн хоёр дахь шатны санал хураалт болж “Хууль болон шударга ёс” намын нэр дэвшигч Анжей Дуда 53 хувийн саналаар ялсан байна. Өнөөгийн ерөнхийлөгч Бронислав Коморовский түүнтэй өрсөлдсөн ч дөнгөж 47 хувийн санал авчээ. Коморовский сонгуулийн дүнг хүндэтгэж байгаагаа илэрхийлээд өөрийг нь дэмжсэн хүмүүст талархал илэрхийлсэн байна. Мөан ардчилал нь үзэн ядах давалгаа болон хүчирхийллийг зогсоож чадна гэдэгт итгэж байгаагаа хэлжээ.
Тэрээр “Миний нөхөд намайг хүлээж авсангүй. Сонголчид ингэж шийдлээ. Ардчилал гэдэг бол зөвхөн сонгуулийн дүн, сонгуулийн дүнг хүндэтгэхэд байдаг ирсэн юм биш. Анжей Дудад баяр хүргэе. Сонгуулийн дүнд нь баяр хүргээд, ерөнхийлөгчийн нь албанд амжилт хүсье. Польш улсын төлөө сайн сайхныг хийнэ гэдэгт итгэж байна” гэсэн байна.

Анжей Дуда хариуд нь өрсөлдөгчдөө болон нийт сонгогчдод талархал илэрхийлжээ. “Польшинй ерөнхийлөгч гэдэг бол зөвхөн ард түмэндэ эүйлчлэх төдий биш тэднийг сонсч, тэдэнтэй нээлттэй байх ёстой” гэж Дуда тэмдэглэжээ.
Полвшийн ерөнхийлөгчийн сонгуулийн нэгдүгээр шат тавдугаар сарын 10-нд болж ДПуда 34,76, Коморовский 33,77 хувийн санал авч хоёрдугаар шатанд тунаж үлдсэн юм. Харин тэдэнтэй өрсөлдсөн нөгөө хоёр нэр дэвшигч нь аль аль нь таван хувийн босго давж чадаагүй юм.