Энэтхэгт хэт халуун болж зарим мужид 47 градус хүрч байгаагаас  сүүлийн дөрвөн өдөрт гэхэд л  500 хүн нас барлаа хэмээн орон нутгийн хэвлэлүүд мэдээлжээ.
Зөвхөн тавдугаар сарын 24-ний ням гарагт гэхэд л энэтхэгийн өмнөд нутагт 165 хүн их халууны золиос болсон байна. Андхра-Прадеш мужийн Мачилипатнам  болон Туни хотуудад  халууны хэм 47 градус хүрчээ.
Цаг уурчид энэ их халуун ойрын өдрүүдэд буурахгүй учраас онцын шаардлагагүй бол гадаа гарахгүй, урьдчилан сэргийлэх арга хэмжээ авч байхыг анхааруулж байна. Энэтхэгт их халуун гуравдугаар сараас зургадугаар сар хүртэл үргэлжилдэг учраас хамгийн халуун нь дөрөв, тавдугаар сард тохиодог байна.
Үүний өмнө Японд их халуунаас болж хоёр хүн нас барж 500 гаруй хүн эмнэлэгт очсон юм.