Даваа гарагийн өглөөгүүр Японы нийслэл Токио орчимд 5,6 магнитудын хүчтэй газар хөдөлсөн байна. Газар хөдлөлийн улмаас цунами үүсч магадгүй хэмээн Засгийн газар анхааруулж байна. Газар хөдлөлийн төв нь Токиогоос умар зүгт орших Сайтами аймагт газрын гүнд 50 км-т байсан гэж японы Чичирхийллийн агентлаг мэдээлжээ.
Түлхэлтийн улмаас Токио хотод байшин барилга чичирч байжээ. Газар хөдлөлийн дараа аюулгүй байдлын үүднээс метро, хурдан галт тэрэгний хөдөлгөөнийг зогсоосон ч удалгүй сэргээсэн байна. Нислэгийн зурвас, тоног төхөөрөмжийн ажиллагааг нягтлан шалгасны дараа л Наритагийн олон улсын нисэх буудлын ажиллагааг сэргээжээ. Газар хөдлөлд японы цөмийн эрчим хүчний салбар ямар нэг байдлаар өртөж гэмтэл гараагүй гэж тус улсын Эрчим хүч, худалдаа үйлдвэрлэлийн яамнаас мэдээллээ. Газар хөдөлсөнтэй холбоотойгоор Японы ерөнхий сайд Синзо Абэгийн танхимын дэргэд Онцгой байдлын штаб байгуулжээ. Одоогоор энэ штабт ямар нэгэн хорхирлын тухай мэдээлэл ирээгүй байна.