Балти орчмын Эстони улс энэ долоо хоногоос ОХУ-тай төмөр замын харилцаагаа зогсоож байгаагаа мэдэгдсэн байна. Москвагаас хамгийн сүүлийн галт тэрэг өчигдөр орон Таллин руу хөдөллөө гэж эстонийн тээврийн Go Rail компанийн сайтад мэдээлжээ.
“Go Rail компанийн захирал Алар Пинсель эстони болон оросын төмөр замын байгууллагын  хооронд яриа хэлэлцээр хийж Москва-Таллин чиглэлийн уламжлалт төмөр замын харилцааг сэргээх талаар ярилцах байх гэдэгт итгэж байгаагаа  илэрхийлсэн” гэж энэ мэдээнд дурджээ.
Ноён Пинсель “Интерфакс” агентлагт өгсөн ярилцлагадаа Москва-Таллины чиглэлийн галт тэрэгний хөдөлгөөнийг зогсоож байгаагаа ОХУ-аас эстонид ирдэг жуулчдын тоо эрс буурсантай холбон тайлбарлаад үүнээс болж тээврийн компани алдагдалд орсон гэжээ.
Төмөр замын харилцааг үргэлжлүүлэхэд бэлэн байгаа ч нэгэнт зорчигчид цөөрсөн тул хоёр тал ямар ч шийдэлд хүрч чадаагүй байгаа юм байна. Тээврийн хувийн хэвшлийн Go Rail компани энэ хооронд 1998 оноос эхлдэн үйлчилж 2,5 сая зорчигч тээвэрлэсэн гэнэ.