Албан үүргээ биелүүлж яваад амь үрэгдсэн сэтгүүлчийн дурсгалд зориулсан хөшөө ОХУ-ын нийслэл Москва хотын төвд босгоно. Оросын Сэтгүүлчдийн холбооны тэргүүн Павел Гусев ийм санаачилга гаргасныг  Москва хотын дум зөвшөөрч баталжээ. Хотын думын соёл, олон нийтийн харилцааны комиссын дарга Евгений Герасимов зөвхөн өнгөрсөн зууны 1990-ээд онд гэхэд л 300 гаруй сэтгүүлч албан үүргээ гүйцэтгэж яваад амь алдсан байна гэж мэдэгджээ.
Амь үрэгдсэн сэтгүүлчдэд зориулсан хөшөөг Арбатын гудамжинд Оросын Сэтгүүлчдийн төв ордны талд байрлуулах юм байна. Энэ төслийн Москва хотын сэтгүүлчдийн холбоо санхүүжүүлнэ гэнэ.