Монголоор дамжин өнгөрөх аялал жуулчлалын тусгай галт тэргийг оросын төмөр замтай хамтран аялуулах талаар монголын УБТЗ санал болгосныг РЖД-ийн Краноярскийн төмөр замын хэвлэлийн алба мэдээллээ. Монголын төмөр замын төлөөлөгчид Красноярскийн төмөр замын төлөөлөгчидтэй уулзсаны дараа ийн мэдээлсэн байна. Монгол-Оросын хооронд иргэд харилцан визгүй зорчдог болсон нь төмөр замын ийм аялал жуулчлалыг хөгжүүлэх таатай нөхцөл бүрдсэн гэж албаныхан мэдээлжээ.
“Уулзалтын хамгийн таатай саналын нэг нь Монгол руу аяллын тусгай галт тэрэг зорчуулах санал байсан” гэж мэдээлэлд дурджээ.
Монголын УБТЗ-ын орлогч дарга Игорь Домбровский сүүлийн жилүүдэд дэд бүтцээ  сайжруулж байгаа тухай дурдаад “Өнгөрсөн таван жилд УБТЗ-ын нэг жилийн ачаа тээвэрлэлт 17 саяас 28 сая тонн болж нэмэгдсэн. 2014 онд амжин өнгөрөх тээвэр 17 хувь нэмэгдсэн” гэжээ.
Түүний хэлж байгаагаар бол оросын галт тэргүүдийг Хятад руу дамжин өнгөрөхөд Монголын тал ямар ч саадгүй өнгөрүүлнэ гэнэ.