Зам тээврийн яам, “Гудамж” төслийн хүрээнд нийслэлийн зүүн хэсэгт төмөр замын нүхэн гарц хийх ажлыг эхлүүлээд байна.

 Одоогоор Ботаникийн цэцэрлэгийн зүүн талын замыг “Дүнжингарав” худалдааны төвөөс зүүн тийш барьсан шинэ замтай холбохын тулд нүхэн гарц барьж, хоёр түвшинд огтлолцуулах судалгаа, зураг төслийн ажлыг холбогдох албаныхан хийж байгаа юм. Нүхэн гарцыг барьснаар нийслэлийн зүүн хэсэг дэх автозамын хөдөлгөөн буурна хэмээн тооцоолжээ.