Монголын даамын холбооны нэрэмжит 2015 оны насанд хүрэгчдийн Монгол Улсын аварга шалгаруулах тэмцээний хагас шигшээ тоглолт энэ сарын 15-18-нд Баянзүрх дүүргийн Ботаникт "Бадмаараг" төвийн байранд болно.

Тус тэмцээнд 2014 оны Монгол Улсын АШТ-ий хагас шигшээ тэмцээнд эхний 20 байр эзэлсэн тамирчид болон аймаг, дүүргээс шалгарсан тус бүр хоёр даамчин оролцож дөрвөн өдөр 9 өрөг тоглож ур чадвар, ухаанаа уралдуулна. Эрэгтэй, эмэгтэй ангилалд тус бүр эхний 9 байрт шалгарсан тамирчид шигшээ тэмцээнд оролцох эрхийг авна. Тэмцээний техникийн зөвлөлгөөн энэ сарын 14-ний 14 цагаас “Бадмаараг” төвд болно.