Японы мэргэжлийн сумогийн бөхчүүд Шинэ жилд зориулсан ёслолын  үеэр Хакухо М.Даваажаргал энэ сард болох башёгоор мэргэжлийн сумогийн дээд амжилт тогтооно гэж мэдэгджээ. Тэрээр “Энэ оны эхний башегоор би сумогийн дээд амжилтыг эвдэж шүтэн бишрэгчиддээ бэлэг барина гэж итгэж байна. Миний энэ мэдэгдлийг сонсох гэж ийм олон хүн ирсэн нь үнэхээр энэ амжилтыг минь тэсэн ядан хүлээж байгааг харуулж байна” гэсэн байна.
Сумочдын шинэ жилийн ёслол Токиогийн  Мэйзи Зингийн сүмд болжээ.

29 настай Ёкозуна Хакухо мэргэжлийн сумогийн 32 барилдаанд түрүүлэн эзэн ханы цом хүртээд байгаа юм. Мэргэжлийн сумогийн түүхнээ японы ёкузоно  Тайхо л 32 удаа түрүүлж 1971 онд зодог тайлсан юм.
Ийм л болохоор Хакухо энэ сарын барилдаанаар 33 дахь удаагаа түрүүлж түүний дээд амжилтыг эвдэнэ гэж байгаа нь энэ.

Хакухог энэ мэдэгдлээ хийхэд эх орон нэгт Харумафузи, Какурю нар бас байжээ.