Австрид болсон олон улсын богино хэмжээний кино наадмаас Монголын “Амьдралын үнэр” кино гран при шагнал хүртжээ.
Дэлхийн 80 гаруй орны уран бүтээлчид оролцсон тус наадам гэр бүлийн хүчирхийллийн тухай сэдэв хөндсөн уран бүтээлүүдээс шилдгийг шалгаруулдаг аж. “Амьдралын үнэр” кинонд хойд ээжтэйгээ амьдардаг Анар хэмээх охины тухай өгүүлдэг юм байна. Киноны найруулагчаар Б.Батболд ажиллаж, гол дүрийг долоон настай Х.Хүслэн охин бүтээжээ.