Орос-Монголын иргэд харилцан визгүй зорчих болсноос хойш хоёр улсын хооронд зорчигчдын тоо эрс нэмэгджээ.

Зөвхөн Хиагт-Алтанбулагийн боомтоор гэхэд л арваннэгдгээр сарын 14-нөөс хойш 24 мянган хүн орос руу зорчсон нь өмнөх 2013 оныхоос 24 хувиар өссөн дүн гэнэ.

Энэ боомтоор хоногт 1,4 мянган хүн, 470 орчим машин зорчиж байгаагийн 316 нь суудлын, 140 нь ачааны машин байгаа бол автобус 13 гарч байгаа юм байна.
Оросын иргэд монгол руу зорчихоосоо  монголчууд Буриад руу гарч худалдаа наймаа хийх нь их байгааг хилийн албаныхан мэдээлжээ.