Ерөнхий сайд Засгийн газрын гишүүнээр ажиллах хүмүүсийн нэрсийг өнөөдөр ажлын цаг дуусахаас өмнө УИХ-д өргөн мэдүүлнэ.

УИХ-ын чуулганы өчигдрийн хуралдаан цаг сунгаж хуралдсанаар Засгийн газрын бүтэц бүрэлдэхүүнийг баталсан. Шинэ Засгийн газар 15 яам, 19 гишүүнтэйгээр ажиллана. Монгол Улсын Ерөнхий сайд, Монгол Улсын Шадар сайд, Монгол Улсын сайд, Засгийн газрын Хэрэг эрхлэх газрын дарга болон дор дурдсан асуудал эрхэлсэн сайд нар энэ кабенитад ажиллана. Үүнд:

    Байгаль орчин, ногоон хөгжил, аялал жуулчлалын сайд;

    Гадаад хэргийн сайд;

    Сангийн сайд;

    Хууль зүйн сайд;

    Аж үйлдвэрийн сайд;

    Батлан хамгаалахын сайд;

    Барилга, хот байгуулалтын сайд;

    Боловсрол, соёл, шинжлэх ухааны сайд;

    Зам, тээврийн сайд;

    Уул уурхайн сайд;

    Хөдөлмөрийн сайд;

    Хүн амын хөгжил, нийгмийн хамгааллын сайд;

    Хүнс, хөдөө аж ахуйн сайд;

    Эрчим хүчний сайд;

    Эрүүл мэнд, спортын сайд байх ба эдгээр сайд нарын нэрс тодроход багахан хугацаа үлдээд байна.