Интернэт ертөнцөд “Facebook” хэмээх олон нийтийн сүлжээ бий болсноор олон зуун сая хүнийг хооронд нь холбоод зогсохгүй, бараа, үйлчилгээгээ олон нийтэд хүргэх гэсэн жижиг дунд бизнес эрхлэгчдэд үнэлж баршгүй тус болсон билээ. Өнөө­дөр “Facebook”-т өөрийн гэсэн хуудасгүй ком­­пани, бизнес эрхлэгч бараг үгүй болсон. Саяхан хийсэн судалгаагаар жижиг компаниудын 80 орчим хувь нь Facebook болон Twitter, LinkedIn-ээр дамжуулан үйл ажиллагаагаа сурталчилдаг гэсэн дүн гарсан. Тэд өөрсдийн үйл ажиллагаа, бараа бүтээг­дэхүүний сурталчилгааг ихэвчлэн шинэ мэдээлэл, пост маягаар цацаж, хэрэглэгчдэд түгээж буй. Гэвч “Facebook”-ийн олгосон энэ боломж тун удахгүй хязгаарлагдмал болох нь. Тус компани ирэх оны нэгдүгээр сарын дундаас эхлэн сурталчилгааны чанартай төлбөр төлөөгүй мэдээлэл, постуудыг шүүдэг болно гэдгээ зарласан байна. Ингэж төлбөргүй сурталчилгааг хязгаарласнаар Facebook-ийн санал болгодог төлбөртэй сурталчилгааны хэлбэрийг сонгох ёстой болно гэсэн үг. Энэ нь таван доллараас эхлээд хэдэн мянган доллар хүртэл олон янзын сонголттой байх аж. Хэдийгээр “Facebook”-ийн зүгээс пэйж хуудсуудыг сурталчилгааны шинжтэй постоо илүү олон хүнд үнэ төл­бөртэйгөөр хүргэхийг аль эртнээс санал болгодог байсан ч нэгэнт өөрийн гэсэн хэрэглэгчтэй, уншигчтай болсон жижиг бизнес эрх­лэгчдийн хувьд зөвхөн өөрийн сувгаар үнэ төлбөргүй цацахад хангалттай гэж үздэг. Гэвч сар гаруйн дараагаас эхлэн бизнес эрхлэгчид ийм мэдээллээ хүртэл төлбөр төлж, олон нийтэд хүргэх шаардлагатай болж байгаа юм. Энэ нь нэг талаар Face­book хэрэглэгчдийн мэдээл­лийн дийлэнхийг “Like” дар­­­­­­­сан пэйж хуудасны сур­тал­­чилгааны постууд дүүр­гэ­дэг явдлыг ч хазаарлах зорилготой аж.
Facebook-ийн жижиг бизнес хариуцсан захирал Дан Леви хэлэхдээ тус сүл­жээ­­ний санал болгож буй сурталчилгааны арга хэлбэ­рүүд маш үр дүнд хүргэхээр шинэлэг болон өөрчлөгдсөн гээд Facebook-т төлсөн доллар бүр бизнесийг нь өргөжин тэлэхэд туслах болно хэмээн мэдэгджээ.