10. "Элаиза" цагаан архи. Шил нь Сваровскийн талстаар чимэгдсэн. Үнэ 2000 доллар

Энэ архийг 2007 оны гэгээн Валентиний баярт тохиолдуулан үйлдвэрлэжээ. Хайртай хүндээ бэлэглэх хамгийн шилдэг бэлэг гэж сурталчилж байв. Хачин чамин лонхон дотор нь шарз, франц цагаан архи, гүзээлзгэнэ, сарнай цэцэг гэх мэт чамин орц бүхий "Rose Alize" нэртэй коктейльтэй.


9. "Эзэн хааны цуглуулга" архи. Үнэ 2400 доллар

Энэ тансаг архийг хийсэн лонх нь гар аргаар хийгдсэн Фабержегийн алтадсан өндөг дотор байрладаг. Ийм өндөгийг Хаант оросын үед Улаан өндөгний баярын тохиолдуулан Цагаан хааны захилгаар үйлдвэрлэснээс хойш олноо алдаршсан байдаг.

8. "Столичная" Гималайн уулнаас авчирсан элит. Үнэ 3000 доллар

Энэ архинд Гималайн нуруунд тусгайлан өрөмдсөн цооногоос авчирсан дээд зэргийн цэвэр усыг тусгайлан ургуулсан нарийн сортын улаан буудайн спирттэй найруулсан гэнэ. Архийг дагалдан мөс бутлахад зориулагадсан алтадсан хутга ирдэг.

7. "Иорданов" цагаан архи. Үнэ 4353 доллар

Ээ архийг Хойд Европ дахь хүн амьтангүй зэлүүд газар байдаг маш нууц горхины усаар найруулан хийжээ. Лонхыг нь 14 мянган Сваровскийн талстаар чимэглэсэн.

6. "Oval" архи. Үнэ 6922 доллар

Энэ архийг "Oval Vodka" компаниас гаргажээ. Сваровскийн 7000 ширхэг талстаар чимэглэсэн лонхтой энэ архийг цөөн тоогоор үйлдвэрлэдэг. Олохыг хүссэн хүн дэлхийн хамгийн үнэтэйд тооцогддог алдартай шөнийн клубуудээс олж болно гэнэ.

5. "Belver Bears"архи. Үнэ 7240 доллар

Өвөрмөц нэртэй энэ архийг Францад жил болгон болдог Каннын кино их наадмаар зарахын тулд тусгайлан үйлдвэрлэсэн юм байна. Маш цөөн тоогоор гаргасан энэ архийг "VIP" ангилалд багтдаг цөөн хэдэн кино од, найруулагч нар л амссан гэнэ.

4. "Орос ба Балтын водка". Үнэ 740 000 доллар

Нэн эртний гэдгээрээ мэргэжилтнүүдэд алдаршсан тусгай жороор үйлдвэрлэгддэг гэдгээрээ зартай архи. тусгайлан хийсэн лонх, доторх архины амт гээд олон зүйлээрээ саятанууд, тэрбумтнуудын дунд нэрд гарсан архи юм байна.

3. "Дива" архи. Үнэ 1 сая доллар

Нэгэн үе энэ архи нь дэлхийн хамгийн үнэтэй, хамгийн тансаг эд байв. Түүнийг найрлагад орсон спиртийг үнэт чулуу орсон тусгай шүүлтүүрээр гурван удаа цэвэрлэн шүүсэн, мөсөөр шүүсэн уулын булагны усаар найруулсан гээд дэлхийн хамгийн цэвэр архи гэж сурталчилдаг байв. Лонхны төв хэсэгт олон тооны үнэт чулууг харж болно. Мөн архийг цэвэрлэхэд оролцсон алмазан элс, хус модны нүүрсийг дагалдуулан өгдөг аж.

2. "Орос ба Балтын шинэ водка". Үнэ 1,35 сая доллар

Архийг "Russo-Baltique" машин үйлдвэрлэгч компани гарагсан. Архийг хийсэн сав нь үйлдвэрлэдэг машинтай нь адил хэлбэртэй. Архийг нь дагалдаж машин нь ирдэг эд гэдгээрээ алдартай.

1. "LeBillionaire" архи. Үнэ 3,7 сая доллар

Онцгой элит дизайн хийдгээрээ алдартай "LeonVeres" компани лонхных нь дизайныг гаргасан. Доторх архийг нь үнэт чулуу орсон шүүлтүүрээр шүүдэг. Лонхыг нь 3000 гаруй алмаз эрдэнээр чимжээ.