УИХ-ын чуулганаар АН, “Шударга ёс” эвслийн хамтарсан Шинэчлэлийн Засгийн газрыг огцруулсны дараа АН өөрийн ҮЗХ-гоо хуралдуулахаар зар тараасан. Цаг үеийн асуудлыг хэлэлцэж улс төрийн дүгнэлт  хийх, намын дарга хэн байх, Монгол Улсын Ерөнхий сайдад хэнийг дэвшүүлэх, Засгийн газраа хэрхэн бүрдүүлэх асуудлыг хэлэлцэх энэ хуралдаан үдээс хойш Төрийн ордонд болно.
Үүнээс гадна УИХ-ын чуулганы хуралдааны үеэр Монгол Улсын Ерөнхий сайдыг огцруулах санал өгсөн найман гишүүнийг АН-аас хасах шийдвэр гаргасан АН-ын Хяналтын хорооны тогтоолыг хэлэлцэж “эсэргүү” найман гишүүний хувь заяаг шийдэх юм бололтой.