Бүтцийг нь өөрчилж цомхотгохоор УИХ-аар хэлэлцэх гэж байгаа Шинэчлэлийн Засгийн газар өнөөдөр ээлжит хуралдаанаа өнөөдөр 10 цагт Засгийн газрын хуралдааны танхимд хийнэ.

Монгол Улсын Засгийн газрын өнөөдрийн хуралдаанаар Хөрөнгө оруулалтын төлөвлөгөөнд тусгасан зарим төсөл, арга хэмжээг Хөгжлийн банкны санхүүжилтэд шилжүүлэх тухай, сумын Засаг даргын Тамгын газрын бүтцэд өөрчлөлт оруулах тухай, Ойн тухай хуульд нэмэлт оруулах тухай, Нийгмийн даатгалын тухай хуульд нэмэлт, өөрчлөлт оруулах тухай хуулийн төсөл зэрэг нийт 19 асуудал хэлэлцэнэ. Мөн Халхын голын байлдааны ялалтын 75 жилийн ойг тэмдэглэн өнгөрүүлсэн дүнгийн тухай, Төрийн болон орон нутгийн өмчийн хөрөнгөөр бараа, ажил үйлчилгээ худалдан авах тухай хуулийн хэрэгжилтэд хийсэн шалгалтын дүнгийн тухай зэрэг 8 асуудлыг холбогдох сайд нар хуралдаанд танилцуулах юм байна.