Монголбанк инфляцийг 2014 онд найман хувьд барина мэдээлж байсан. Тэгвэл өнөөдөр Үндэсний статистикийн хорооноос инфляци улсын хэмжээнд 14.9 хувь, Улаанбаатарын хэмжээнд 15.4 хувьтай байна  хэмээн мэдэгдлээ.

Долдугаар сарын эцэст инфляци жилийн дүнгээрээ 14.9 хувьд хүрсэн нь ойрын жилүүдэд байгаагүй өндөр өсөлт гэдгийг мэргэжилтнүүд тодотгож байна. Ийнхүү инфляци өсөхөд орон сууц, ус цахилгааны бүлгийн үнэ дүнгээрээ 2.5 хувь, тээврийн бүлгийн үнэ дүнгээрээ 2.0 хувиар өссөн нь голлон нөлөөлжээ.