Тоосонд нь даруулна хэмээн наадамчин олны хамгийн их хүсэн хүлээдэг соёолон насны морьдын уралдаанд 230 гаруй хурдан хүлэг уралдсанаас Архангай аймгийн Их тамир сумын Г.Тэмүүлэнгийн халтар соёолон  түрүүлж тод магнай торгон жолоогоо өргүүллээ. Харин аман хүзүүнд Төв аймгийн Сэргэлэн сумын уугуул Монгол Улсын Тод манлай уяач Д.Ононгийн сартай зээрд,  айргийн гуравт Булган аймгийн Хутаг-Өндөр сумын уугуул Ж.Бат-Эрдэнийн ногоон, айргийн дөрөвт Говь-Алтай аймгийн Халиун сумын уугуул,аАлдарт уяач Т.Гантөмөрийн бор, айргийн тавд Дорнод аймгийн Баяндун сумын уяач П.Цэгмидийн хул соёолон хурдалж, уясан эзэн, унасан хүүхэд, үзсэн олноо баясгалаа.