Британийн “Титаник” хөлгийн сүйрэл нь түүхэндэх хөлөг онгоцны хамгийн том сүйрлийн нэг болсон. Энэ хөлөг тухайн үедээ манай гариг дээрх хамгийн том хөлөг онгоц байлаа. “Титаник” хөлөг анхны аяллаараа  америкийн Нью-Йоркийг чиглэн гараад 1912 оны дөрөвдүгээр сарын 14-нөөс 15-нд шилжих шөнө осолд орж хоёр цаг 40 минутын дараа живсэн юм.
Энэ үед хөлөг дээр 1316 зорчигч, багийн 892 гишүүн, бүгд 2208 хүн явж байлаа. Хөлөг живснээр энэ хүмүүсээс дөнгөж 704 хүн л амьд гарсан юм.
1916 оны долдугаар сарын 3-ны энэ өдөр Лондон хотноо “Титаник” хөлгийн ослын хэргийг шүүх хурал болжээ.
Шүүх хурлаас “Хөлөг онгоц хурдтай явж байгаад мөсөн уултай мөргөлдсөний улмаас живсэн” гэж тогтоосон байна. Харин шинжээчдийн дүгнэлтээр ослын газраас зургаан милийн зайтай явсан “Калифорния” хөлгийн ахмад Стэнли Лордыг ёс суртхууны хувьд буруутай гэж үзжээ. Өөрөөр хэлбэл осолд орсон хүмүүст тусламж үзүүлээгүй гэж үзсэн нь далайн хуулиар энэ хүн насан туршдаа хар толботой болж далайн ажил алба эрхлэх аргагүй болсон гэдэг. Хөөрхий Лордыг нас барсны дараа 1962 онд түүнийг буруугүй гэж тогтоосон байдаг.