Америкийн Массачусетс мужийн Нортгемптох хотод байдаг хүмүүнлэгийн Смитийн коллеж өөрийнхөө нутаг дэвсгэрт оршдог гурван давхар харшийг дуудлага худалдаанд тавьжээ.
1860 онд барьсан ч өнөө хүртэл маш сайнаараа байгаа энэ байшинг худалдан авсан хүнд ганцхан болзол тавьж байгаа нь өнөө хүртэл оюутны дотуур байрны зориулалтаар ашиглаж ирсэн  түүхийн үнэт өв энэ байшинг сургуулийн хашаанаас зөөвөрлөж өөрчлөлгүй хэвээр нь барихыг шаардаж байгаа юм гэнэ. Шинжээчдийн үзэж байгаагаар ингэхэд одоо байгаа газрын үнийг оруулалгүйгээр наад зах нь 70 мянган долларын зардал гарах юм байна. 

Сургуулийн захиргаа болохоор газраа чөлөөлж оронд нь оюутны дотуур байрны илүү том шинэ барилга барих юм гэнэ. Ийм болохоор энэ байшингаа ийн нэг доллараар зарахаар зарласан нь энэ. Сургуулийн захиргаа байшингаа есдүгээр сарын нэгнээс өмнө зарчих бодолтой байгаа юм байна.