20 жил дуншиж байж сая төрхөө олж байгаа Алтанбулагийн худалдааны чөлөөт бүс энэ сарын 22-нд нээгдэн ажиллаж эхэлнэ.  Байнгын үйл ажиллагаанд шилжиж байгаатай холбогдуулан энэ бүсэд хөрөнгө оруулагч аж ахуйн нэгжүүд зургадугаар сарын 22-ноос үзэсгэлэн худалдаа зохион байгуулах юм байна. Долоо хоног үргэлжилж 30-ны өдөр өндөрлөх үзэсгэлэн худалдааг “Алтанбулаг” худалдааны чөлөөт бүс байгуулахад хөрөнгө оруулсан 82 аж ахуйн нэгж хамтран зохион байгуулна.
“Алтанбулаг” худалдааны чөлөөт бүс байгуулахад өнгөрсөн хугацаанд улсын төсвөөс 23,8 тэрбум төгрөгийн хөрөнгө оруулсан бол 83 аж ахуйн нэгж хөрөнгө оруулах гэрээ байгуулснаас 3 аж ахуйн нэгж нь 2,1 тэрбум төгрөгийн хөрөнгө оруулж бодит ажил хийжээ.