Бразилын Цагдаагийн газар Аргентины холбогдох албанаас хөл бөмбөгийн тэмцээний үеэр үймээн самуун, эмх замбараагүй байдал үүсгэгч 2100 гаруй хүний нэрсийг авсан бөгөөд тэр хүмүүсийг хилээр оруулахгүй байх, мөн тэдний дундаас Бразилд оршин сууж байвал улсаасаа хүчээр гаргана гэж мэдэгдэв. Өмнө нь тус улсын Спортын сайд Аүдо Хэбэлло, ДАШТ-ын аюулгүй байдлыг хангахын тулд Интерпол болон бусад улсын цагдаагийн албадтай нарийн хамтран ажиллаж байгаа ба Аргентины хөл бөмбөгийн танхай дэмжигчдийг хилээр орохыг хориглоно гэж мэдэгдэж байсан юм. 1978, 1986 оны ДАШТ-д түрүүлж байсан Аргентин улсын 40 мянга гаруй хөл бөмбөгийн дэмжигчид Бразилд очиж тэмцээн үзэх бололтой.