Америкийн эрэн сурвалжлагч хоёр  сэтгүүлчийн “Мерилин Монрог алсан нь: Хэргийг хаалаа” гэсэн ном худалдаанд гарсан дотор Холливудын сайхан хүүхэн үхлийн халдвар бүхий тарианаас болж үхсэн гэсэн байна. Сэтгүүлч Жей Марголис, Ричард Баскин нар энэ аллагын захиалагч нь тэр үеийн ерөнхийлөгч Жон Кеннедийн ах Бобби Кеннеди байсан гэж баталжээ. Тэрээр ердөө л Мерилинийг өөртэйгөө болон дүү Жон Кеннедитэй дурлалын роман үүсгэснээ ярьчихна гэж болгоомжлоод бүсгүйг хөнөөсөн гэнэ. “Ямар нэг дэмий яриа гарахаас сэргийлж Бобби бүхнийг гүйцээхээр шийдсэн нь тэр” гэж Кеннедийнн эгчийнх нь нөхөр жүжигчин Питер Лофорд хэлсэн гэнэ. Зохиогчид энэ хэрэгт Мерилинийг эмчилдэг сэтгэцийн эмчийг оролцсон байж магадгүй гэжээ.
Мерилин Монро, Жон Кеннеди хоёрын дурлалын роман 1962 оны шинэ жилийн оройн зоогоос эхэлж АНУ-ын ерөнхийлөгч жүжигчин бүсгүйн утасны дугаарыг аваад ердөө л маргааш нь утасдаж түүнийг Палм-Спрингс рүү хамт яваач гэж гуйсан байна.
Мерилиний нүүр будагч Мари Ирвин бол жүжигчин бүсгүйг амиа хорлосон гэдэгт итгэдэггүй нэгэн.
Юутай ч америкийн сайхан бүсгүй Мерилин Монрог 1962 оны наймдугаар сарын 5-нд Лос-Анжелосын Брентвуд дэх гэртээ үхсэн байхыг нь олсон юм. Ердөө  36 насандаа өөд болсон жүжигчний үхэл өнөө хүртэл тайлагдаагүй нууц хэвээр байгаа юм.