Хөл бөмбөгийн дэлхийн аварга шалгаруулах тэмцээн эхлэхэд гуравхан долоо хоногийн  хугацаа үлдээд байхад цэнгэлдэх хүрээлэнгүүд нь ашиглалтад ороогүй, бразилын ниймгийн асуудлууд нь барагдахгүй байгаа нь энэ тэмцээнийг үзэхээр ирэх хэдэн сая жуулчныг хүлээн авахад бэлэн биш байна гэсэн үг хэмээн домогт хөлбөмбөгчин Пеле мэдэгдэж байна. Энэ тэмцээнийг зохион байгуулах гэж их хэмжээний зардал гаргаж үүнийгээ орон сууц, нийгмийн зардлаас гаргаж байгаад дургуйцэж байгаагаа Бразил даяар жагсагчид илэрхийлсээр байна. ДАШТ-ий барилга байгууламж, Сан-Паулугийн цэнгэлдэх хүрээлэн баригдаж дуусаагүй байна.
“Гадаадын жуулчдын 25 хувь нь миний эх оронд ирэхээ хэдийнээ больж өөрчилсөн гэдгийг би мэдэж байна” хэмээн 2014 оны ДАШТ зохион байгуулах хорооны зөвлөхөөр ажиллаж байгаа Пеле хэлжээ. Тэр бас “Ямар ямар хүндрэл бэрхшээл гарч болохыг би бүр 6 жилийн өмнө хэлж байсан. Цэнгэлдэх хүрээлэн гүйцээгүй, өөр бусад бэрхшээлүүд хангалттай байсаар байна. Энэ бол гутамшиг, шившиг” гэж хэлжээ.
“Бразилыг энэ тэмцээн зохион байгуулах эрх авахад биш одоо л тэмцээн эхлэхэд хүмүүс жагсах ёстой байсан юм” гэж дэлхийн гурван удаагийн аварга Пеле хэлж байна.
Хөл бөмбөгийн ДАШТ зургадугаар сарын 12-ноос долдугаар сарын 13 хүртэл Бразилын 12 хотод болно.