Та лав энэ зургийг хараад ердийн л нэг гэрэл зураг байна гэж харсан байх. Гэвч энэ бол фото зураг биш. Хүний гараар зурсан зураг. Итгэмээргүй байгаа биз. "Төрсөн байтлаа зурсан юм шиг" гэдэг шиг л зурсан байтлаа авсан мэт энэ зургийг Жейми Медлин хэмээх Английн зураач зуржээ.
Тэнгисийн уран бүтээлч хэмээн өөрийгөө нэрлэдэг Жейми Медлин тэнгис далай, түүн дээр хөвж яваа төрөл бүрийн хөлөг онгоц, завь зурсаар бүр мэргэшжээ. Тэрээр тэнгис далай, далбаат завины зургийг сүүлийн 25 жил зурахдаа түүнийг уран зураг гэхээс илүү  фото зураг шиг буюу яг л бодитой мэт зурах гэж хичээж иржээ. Асар нарийнаар детальчилж зурж, их хөдөлмөр шаарддаг учраас тэр хэрээрээ үнэтэй зарагддаг гэнэ. Түүний бүтээлүүдийг Лондон дахь Кристигийн дуудлага худалдаагаар ихэвчлэн зардаг бөгөөд 100 мянган фунтийн үнэ хүрдэг байна.

Түүний энэ зураг гэхэд 100 мянган фунтийн үнэ хүрсэн.