Манай улсад анх удаа зохион байгуулж буй гандболын олон улсын тэмцээн өнөөдөр Буянт-Ухаа спортын ордонд эхэллээ. Олон улсын болон Азийн гандболын холбоотой хамтран зохион байгуулж буй тэмцээний талаар Монголын Гандболын холбооны ерөнхийлөгч Д.Жаргалсайханаас тодрууллаа.

-Гандболын олон улсын тэмцээнийг манайх анх удаа зохион байгуулж бай­­на. Онцлог зүйл нь юу байна?
-Тийм ээ, манай улсын хувьд анхны тэмцээн учраас спорт сонирхогчдоо Буянт-Ухаа спортын ордонд хү­рэлцэн ирж үзээд, Мон­го­лын­хоо баг тамирчдыг дэм­жин, медаль хүртэх урам хайрлаасай гэж хүсч байна. Тэмцээн маань гандболын спор­тыг сурталчлан дэлгэ­рүүлж, тамирчдынхаа ур чад­варыг сайжруулахад том алхам болно гэж бид найдаж бай­гаа. Бид тэмцээнээ олон улсын стандартад нийц­сэн өндөр хэмжээнд зо­хион байгуулахын тулд Фран­цаас зориулалтын шал оруулж ирсэн. Ингэснээр цаа­шид гандболын тэмцээн урал­даандаа байнга ашиглах бо­ломж­той болж байгаа юм.

-Тэмцээнд хэчнээн улс орон оролцох вэ?
-Зүүн Азийн болон зүүн өмнөд бүсийн орнуудыг орол­цуулахаар ОУГХ-ноос ху­ваарь гаргасан. БНАСАУ, Тай­вань, Хонконг, Макао, Вьет­нам, Монгол гэсэн зур­гаан улсын эрэгтэй, эмэгтэй нийт 10 багийн 200 гаруй та­мирчин оролцоно.

-Тоглолтыг ямар жур­маар явуулах вэ?
-Тэмцээнд эрэгтэй, эмэг­тэй тус бүр таван баг оролцож байгаа учраас тойргоор авар­га баг нь тодорно. Хожсон баг нь хоёр оноо, тэнцсэн баг нь нэг оноо авах юм. Гандболын олон улсын дүрмийн дагуу нэг талдаа 30 минут тоглоно. 

-Тэмцээнд оролцох тамирчдын насыг харвал голдуу залуучууд байсан?
-Олон улсын гандболын холбооноос насны хязгаар тогтоож өгсөн. Эрэгтэй та­мирчид 1994 оноос хойш төрсөн 20 нас хүртэлх насны залуус байгаа бол эмэгтэйчүүд нь 19 хүртэлх насныхан.

-Шүүгчдийн тухайд?
-Тэмцээнийг шүүхээр улс бүрээс олон улсын зэрэг­лэлийн хоёр шүүгч ирсэн.

-Манай шигшээ баг бэлтгэл сургуулилтаа хэр сайн базаасан бэ?
-Шигшээ баг маань Мон-Алтиус, МУБИС болон Хөлбөмбөгийн футзалын ордонд бэлтгэлээ хийсэн. Одоо ч Буянт-Ухаа ордонд бэлтгэлээ хийж байгаа.