Их Британийн Манчестерийн их сургуулийн доцент 53 настай Жон Хаятт хоёр жилийн өмнөөс Ланкашир гүнлэгийн Россендейн хөндийд зураг авч байгаад үлгэрийн нисдэг дагинын зураг авснаа интернетэд байрлуулж дуулиан тарилаа.

“Миний авсан зураг олон нийтэд дуулиан боллоо.Үүнийг үнэндээ хүн итгэхийн аргагүй” гэж доцент хэлжээ. Тэрээр нисдэг бяцхан шидэт дагинын хэд хэдэн зураг интернетэд тавьсан ч хүмүүс эргэлзэн гайхаж худал хэмээн шүүмжилсэн байна. “Уг нь тэр бяцхан шидэтнүүд нарны гэрэлд хөгжилдөн бүжиглэж байсан. Гэхдээ би тэднийг бидний жижигрүүлсэн хувилбар гэж огт бодоогүй. Харж байхад тэд ер бусын эрч хүч, чадвартай байсан” гэж Жон Хаятт хэлжээ.