Технологи хөгжсөөр хэвлий дэх үрийнхээ өсөлтийг эмнэлэгт очиж биш, гар утсаараа мэддэг болох нь. Ухаалаг утсанд суулгасан “Bellabeat Connected System” хэмээх аппликейшны тусламжтайгаар хүүхдийнхээ зүрхний цохилтыг сонсохоос гадна ургийн жинг мэдэж, хүүхдийнхээ хөдөлж, хөшиглөж байгаа тоог ч мэдэх боломжтой аж. Тэр ч бүү хэл бие давхар ээжийн сэтгэл санааны өөрчлөлтийг ч хянаж, хэрэв сэтгэлээр унах шинж ажиглагдвал эмчид очихыг хүртэл зөвлөдөг байна. Хэрэглэгчдэд хүрээд сар гаруйхан болж байгаа ч аль хэдийнэ 3000 хүн энэ аппликейшныг татаж авчээ.