Америкийн уран зураач Беан Шанин захиалгаар хүүхэлдэй урладаг. Түүний урласан хүүхэлдэй амьд хүүхэд мэт харагдах ч яг л өнөөх буг чөтгөр гээч шиг хачин төрхтэй.  Түүнд захиалга өгөгч нар нь голцуу хүүхэд гаргадаггүй эмэгтэйчүүд байдаг аж.  Тийм учраас зураач бүсгүй захиалагчийнхаа хүсэл сонирхолд нийцүүлэн хүүхэлдэйг нь 950-1500 ам.долларт дунджаар урладаг.

Заримдаа захиалагчийн хүслээс шалтгаалаад үүнээс ч илүү үнэтэй хүүхэлдэй хийх шаардлага гарна. Уран бүтээлч нэг бол цус сорогч эсвэл шилэн нүдтэй зомби төрхтэй хүүхэлдэйг захиалагчдаа санал болгоно. Яг үнэндээ энэ хачин хүүхэлдэй нь огт хүүхэд гаргаж чадахгүй эмэгтэйчүүдэд сэтгэл зүйн хамгаалалт болдог гэж үздэг.  Хэдийгээр зөвхөн захиалгаар урлана гэж байгаа ч энэ уран бүтээлчийн хүүхэлдэйнүүд дэлхийн олон оронд тархаж багагүй ашиг орлоготой нэр хүндтэй болсон гэнэ. Тиймээс захиалгаа хэдэн сарын өмнөөс авдаг аж.