Хэтэрхий туранхай, дэндүү хөөрхөн барби хүүхэлдэй хүүхэд багачуудад буруу үлгэр дуурайл үзүүлж, өөрсдийгөө голоход хүргэж байна гэж шүүмжилдэг. Тийм ч учраас амьдралаас тасархай барби хүүхэлдэйг хэрвээ жирийн охидын биеийн хэмжээ, харьцаатайгаар хийхээр АНУ-ын уран бүтээлч Николай Лам төсөл санаачлаад байна. Тэрээр 19 настай охидуудын биеийн дундаж хэмжээгээр барби хүүхэлдэйн загвар гаргасан бөгөөд үүнийгээ олон хувь үйлдвэрлэж, дэлгүүрийн лангуун дээр гаргахын тулд интернэтээр олон нийтээс хандив тусламж хүсч байгаа аж. Тэрээр онлайн уриалга гаргаад 24 цагийн дотор 28 мянган ам.доллар босгож чадсан бөгөөд одоо түүнд 70 гаруй мянган ам.доллар хэрэгтэй байгаа гэнэ. Хэрэв энэ хөрөнгө мөнгийг босгож чадвал тэрээр жирийн охид шиг барби хүүхэлдэйгээ 5000 хувь үйлдвэрлэх юм байна. Түүний энэ санаачилга хэрэглэгчдийн сэтгэлд их нийцэж байгаа гэнэ.

Барби хүүхэлдэйн биеийн харьцааг хүн дээр шилжүүлээд бодвол 36-18-33 гэсэн харьцаатай болохоор гэнэ. Харин 19 настай дундаж охидын биеийн харьцаа 32-31-33 байдаг юм байна.
Хэрвээ барбигийнх шиг биеийн харьцаатай хүн байсан бол анорекс өвчтэй хүнтэй адил биедээ ямар ч өөхгүй байх гэнэ. Ийм туранхай эмэгтэйд сарын тэмдэг ч ирэхгүй гэж мэргэжилтнүүд хэлж байна.