Австралийн жүжигчин Кейт Бланшет Цэнхэр мэлрэг киноны дүрээрээ Оскарын шилдэг эмэгтэй дүрийн шагналыг хүртлээ. Түүнийг энэ шагналыг авах хамгийн өндөр магадлалтай гэлцэж байсан ч Кейт нэрийг нь зарлах үед гайхаж балмагдан хүлээн авсан юм. Бараг 10-аад жилийн өмнө Оскарын туслах дүрийн шагнал хүртэж байсан тэрээр энэ жил зургаа дахь удаагаа нэр дэвшсэн юм.
Тэрээр Оскарын тайзнаас өрсөлдөгчид болон кинонд хамтран зүтгэсэн уран бүтээлчдэдээ талархал илэрхийлсний эцэст "Австралид арвин их нөөц байгаа" шүү гэдгийг зарласан юм.