Саяхан 40 насныхаа ойг тэмдэглэсэн Кейт Мосс зөвхөн Playboy сэтгүүлээр өөрийн фото загвараа хязгаарласангүй. Тэрээр францын эрчүүдэд зориулсан Lui  сэтгүүлийн гуравдугаар сарын дугаарт нүцгэн зургаа тавиулсан байна. Түүний энэ илэн далангуй зургийг гэрэл зурагчин Терри Ричардсон авчээ.
       
Уг нь хэдэн жилийн өмнө тэрээр New York Times сэтгүүлд өгсөн нэг ярилцлагадаа охин Лила нь ээжийнхээ нүцгэн зураг авхуулахад дургүй гэж хэлсэн байдаг юм. “Би тэгээд үүнээс хойш ийм байдлаар зургаа авхуулж байхгүй гэж охиндоо амласан” гэж Мосс хэлсэн байсан юм. Гэхдээ цаг хугацаа өнгөрч Лила өсч том болсон, Кейт ч охиныхоо үгийг  тоохоо больсон байж мэдэх юм даа.