Тайландын Аюттхая хотын  Ват Махатхет сүмийн нутаг дэвсгэр дэх нэгэн модны олон салбарласан үндсэн дотор Будда бурхны толгой харагддаг байна. Нэгэн цагт Ват Махатхат сүм хааны хийд байж асар том нутаг дэвсгэртэй, бурхны шашинтнуудын гол төв  байсан гэнэ.

1767 онд хотыг бирмчүүд сүйтгэх үеэр энэ сүм өөр олон хийд дуганыг сүйтгэн шатааснаас өнөө хүртэл балгас хэвээр байгаа юм.
Булаан эзлэгчид тайчуудыг дахин шүтүүлэхгүй гэснээс сүм хийдүүдэд байсан олон тооны Будда бурхны толгойг цавчин толгойг нь газарт олдохооргүй булжээ.

 Үнэхээр ч  олон сүм хийдийн тууринд өнөөдөр толгойгүй Будда бурхан байдаг. Бурхан шашныг нь доромжилсон энэ аймшигт үйл явдлыг  Ват Матхат хийд, байгаль “эсэргүүцэн” өөрөө Будда бурхны толгойг модны үндэснээс ургуулан ил гаргасан гэж ярьдаг байна.



1350 онд  сууриа тавьсан Аюттхая хот бирмчүүдийн довтолгооноос өмнө нэг сая гаруй хүнтэй том хот байжээ. Эртний Аютия хаант улсын нийслэл байсан энэ хотын үлдэгдэл зарим хэсгийг НҮБ-ын Соёл боловсрол, шинжлэх ухааны байгууллага ЮНЕСКО-гийн Бүх дэлхийн өвд бүртгэн авсан байдаг юм.

Тайландын нийслэл Бангкокоос ердөө 75 км зайтай байдаг энэ газарт очвол модны үндэснээс ургасан Будда бурхны тэргүүнийг үзэж болно.