УИХ-ын чуулганы өнөөдрийн нэгдсэн хуралдаанаар Үйлдвэр хөдөө, аж ахуйн яамнаас оруулж ирсэн Гаалийн албан татвараас чөлөөлөх тухай, Нэмэгдсэн өртгийн албан татвараас чөлөөлөх тухай хуулийн төслүүдийг эцэслэн хэлэлцэж баталлаа.

Ингэснээр  хүнсний нөөц бүрдүүлэх зорилгоор 100 мянга хүртэл тонн улаан буудайг гадаадаас импортоор оруулж ирэх, ингэхдээ Гааль болон НӨАТ-аас бүрэн чөлөөлөх болж байгаа юм.  Дээрх улаан буудайг ирэх зургадугаар сарын 1-н хүртэл оруулж ирэнэ гэж үзээд энэ хугацаанд татварын хөнгөлөлт үзүүлэх юм байна.  Энэ хугацаанд гурил үйлдвэрлэгч аж ахуйн нэгжүүд тодорхой график төлөвлөгөө гарган улаан буудай импортолж гурилын нөөц бүрдүүлэх юм байна.

Ийнхүү гадаадаас улаан буудай импортлох хугацааг ирэх зургадугаар сарын 1-н гэж  зааж өгсөн нь газар траиалангийн үйлдвэрлэл, ялангуяа улаан буудай тариалах ажилд  сөрөг нөлөө үзүүлэхгүй байх талаас хийсэн зохицуулалт  гэж тайлбарлаж байна.