Формула 1-ийн долоон удаагийн аварга, домогт тамирчин Михаил Шумахер Альпийн нуруунд гулгаж яваад осолдож, тархи нугасаа хүнд хүнд гэмтээсний улмаас комд оржээ. М.Шумахер Альпийн нурууны Франц дахь Мерибел хэмээх цанын баазад 7000 фитийн өндөрт 14 настай хүүтэйгээ хамт гулгаж байхдаа чулуун дээр толгойгоо цохиж унасан байна. Хэдийгээр тэрээр хамгаалалтын малгайтай байсан ч тархи маш хүнд гэмтсэн бололтой цус олгойдож байсан хэмээн гэрчүүд ярьж байна. Тамирчныг осолдсоноос долоон минутын дараа нисдэг тэргээр ойролцоохь эмнэлэгт хүргэсэн ч гэмтэл хэтэрхий хүнд бас амь насанд аюултай байсан учир том эмнэлэгт хүргэсэн байна. Тус эмнэлэгт тархи, нугасны мэс заслаар Францдаа тэргүүлдэг, М.Шумахерын сайн найз Жерард Сэйлан хүрэлцэн ирж, түүнийг хариуцан авсан байна. Гэхдээ алдарт тамирчин одоо комын байдалтай, амь нас нь дээсэн дөрөөн дээр байгааг Францын хэвлэлүүд мэдээлж байгаа юм.
Хэдхэн хоногийн дараа 45 нас хүрэх нэрт тамирчин цанаар гулгах маш дуртай, тиймдээ ч Альпийн нуруунд өөрийн гэсэн эзэмшилтэй болж, гэр бүлийн хамт байнга амарч гулгадаг байжээ.