Өнөөдрийн "Бүтээн байгуулалтын цаг"-аар Ерөнхий сайд Н.Алтанхуяг "Оюутолгой" төслийн хэрэгжилтийн талаар холбогдох албаны хүмүүсээс мэдээлэл сонсов. "Эрдэнэс Оюутолгой" ХХК-ийн гүйцэтгэх захирал Да.Ганболд эхний мэдээллийг өгсөн юм. Тэрээр ярихдаа, "Оюутолгой" ХХК энэ сарын 18-ны байдлаар 252.2 мянган тонн зэсийн баяжмал үйлдвэрлэсэн. Үйлдвэрлэсэн баяжмалынхаа 70.2 мянган тонныг БНХАУ-ын Ганц модны боомтын Хуафанг гаалийн баталгаат агуулахад тээвэрлэж хүргүүлснээс хайлуулах үйлдвэрүүд 16.9 мянган тонн зэсийн баяжмал татан авсан мэдээ байна. Ирэх онд 692.3 мянган тонн зэсийн баяжмал үйлдвэрлэнэ гэсэн тооцоо гарчээ. Дээрх хэмжээний зэсийн баяжмалыг үйлдвэрлэж импортолвол эдийн засагт томоохон дэмжлэг үзүүлэх боломжтой” гэв.
Хоёр долоо хоногийн өмнө хуралдсан "Оюутолгой" ХХК-ийн Төлөөлөн удирдах зөвлөл 2014 оны үйл ажиллагааны хөтөлбөр болон төсвийг баталжээ. Ингэхдээ хөрөнгө оруулалтын зардлыг 1.283 сая ам.доллар, борлуулалтын нийт орлогыг 2.653 сая ам.доллар байхаар тооцсон байна. “Оюутолгой” ХХК-д одоогийн байдлаар 2587 монгол ажилчин, 285 гадаад мэргэжилтэн ажиллаж байгаа аж. Харин төслийн гэрээлэгч компаниудыг оруулбал “Оюутолгой” ХХК-д 7743 ажилтан ажиллаж буй юм. Нийт ажиллагсдын 7222  буюу нь 93.3 хувь нь Монгол хэмээн танилцуулав. Эрчим хүчний яамнаас Тавантолгойн цахилгаан станц төслийг  холбогдох байгууллагуудтай хамтран ажиллаж байна. “Оюутолгой” төслийнхэн дээрх төсөл боловсруулах, хөрөнгө оруулагчыг татан оролцуулахад хамтран ажиллаж байна. Бүтээн байгуулалтын хувьд "Оюутолгой" ХХК энэ онд Өмнөговь аймгийн Ханбогд сумын төв рүү 45 км урттай 35 кВт-ын цахилгаан дамжуулах агаарын шугамыг дэд станцтай нь барьж, өөрийн импорт