Өчигдөр Сүхбаатар аймгийн Мөнххаан суманд гэр бүлийн өмчийн маргаанаас үүдэлтэй хүн амины ноцтой хэрэг гарчээ.

Тодруулбал, Сүхбаатар аймгийн Мөнххаан сумын иргэн Г гэрлэлтээ цуцлуулахад, тус аймгийн шүүхээс эд хөрөнгийн дийлэнхийг түүний эхнэрт үлдээхээр шийдвэрлэжээ. Энэхүү шийдвэрийн дагуу төлбөр нэхэгчийн мөнгийг хариуцагчаас гаргуулах гэж явсан ШШГЕГ-ын ажилтан С-ыг, иргэн Г буудан амь насыг хохироож, мөн салсан эхнэрийнхээ хамаатныг буудаж хүндээр гэмтээжээ. Одоогоор хэргийг Сүхбаатар аймгийн Цагдаагийн хэлтэс шалгаж байгаа ба сэжигтнийг саатуулаад байгаа аж.
Хэрэг гарсантай холбогдуулан, Шүүхийн шийдвэр гүйцэтгэх ерөнхий газрын харьяа Сүхбаатар аймаг дахь Шийдвэр гүйцэтгэх албаны шийдвэр гүйцэтгэгч Ваанчигийн Сүхбат албан үүргээ гүйцэтгэж яваад 2013 оны 12 дугаар сарын 01-ний өдөр бусдын гарт харамсалтайгаар амь насаа алдан, Шүүхийн шийдвэр гүйцэтгэх байгууллагын бие бүрэлдэхүүнд хүнд гарз  уй гашуу тохиолдлоо, хэмээн ШШГЕГ-аас эмгэнэл илэрхийлэв.