Хэдэн хоногийн тогтуун байдал өнөөдрөөс өөрчлөгдөж нутгийн баруун талаас эхлэн хүйтэрнэ гэж цаг уурчид мэдээллээ. Өнөөдрөөс Алтай, Хангайн уулархаг нутгаар, маргааш  зарим газраар, нөгөөдөр  баруун зүгийн нутгийн баруун хэсэг, зүүн зүгийн нутгийн зарим газраар, үргэлжлээд 22-нд баруун зүгийн нутаг, төв болон зүүн зүгийн нутгийн хойд хэсгээр бага зэргийн цас орж, явган шуурга шуурах юм байна.  20-нд Алтайн салбар уулс, Арц богдын өвөр хоолойгоор, 22-нд зүүн зүгийн нутгийн зарим газраар салхи секундэд 12-14 метр хүрч ширүүснэ. Дархадын хотгор, Хүрэн бэлчир, Идэр, Тэс, Хэрлэн голын саваар шөнөдөө 14-19 градус, өдөртөө 5-10 градус, говийн бүс нутгийн өмнөх хэсгээр шөнөдөө 5-10 градус хүйтэн, өдөртөө 1-6 градус дулаан, бусад нутгаар шөнөдөө 8-13 градус хүйтэн, өдөртөө хоёр градус хүйтнээс гурван градус дулаан байх юм байна.