Дэлхийн эдийн засгийн форумаас гаргадаг хүйсийн тэгш эрхийн талаарх GGGI буюу Global Gender Gap Index гэсэн судалгаагаар манай улс 33 дугаар байрт жагсчээ. Манай гаригийн 136 орныг хамарсан энэ судалгаанд дөрвөн салбарыг харгалзан эмэгтэйчүүдийн эрх ямар байгаад үнэлгээ өгсөн байна.  Энд Эдийн засаг /хөдөлмөрийн хөлс, өндөр албан тушаал эмэгтэйчүүд ажиллаж байгаа эсэх/, боловсрол /суурь болон дээд боловсрол эзмшсэн байдал/, улс төр / засаглалын түвшинд алба хашиж буй эмэгтэйчүүд/, эрүүл мэнд /наслалт/ зэргийг харгалзсан байна.
Эдгээр үзүүлэлтээр умард Европын орнууд дээгүүр орж байна. Хамгийн тэргүүн байрыг уламжлал ёсоор Исланд, хоёрдугаарт Финлянд, араас нь Норвеги, Швед улсууд орсон байна. Ирланд, Дани, Швейцари улсууд ч эхний аравт багтаж 6,8,9 дүгээр байруудад оржээ. Филиппин  өнгөрсөн жил наймдугаар байрт байсан бол энэ жил тавдугаар байр руу дэвшсэн байна. Харин Никарагуа 10 дугаарт жагсчээ.
Манай умард хөрш Орос 61 дүгээр байрт жагссан бол Хятад 69 дүгээрт оржээ.