Шинэчлэлийн Засгийн газраас иргэддээ нээлттэй үйлчлэхийн тулд “1111 төв”-ийг өнгөрсөн оны аравдугаар сарын 12-ны  өдөр байгуулан үйл ажиллагаагаа эхэлснээс хойш бүтэн жилийн хугацаа өнгөрчээ.
Энэ хугацаанд тус төвд 62 мянга гаруй иргэний үгийг хүлээн авч, холбогдох төрийн байгууллагуудад хуваарилан шийдвэрлүүлж, хариуг эргэн хүргэсэн байна. Иргэдийн хандалтыг төрөлжүүлбэл, санал хүсэлт 46 470, гомдол 8 289, талархал 768, шүүмжлэл 5 074, өргөдөл 128 байжээ.
Эрүүл мэнд, боловсрол, нийгмийн даатгал, халамж үйлчилгээ, улсын бүртгэл, нийслэлийн асуудлуудыг хамарсан хандалт дийлэнх хэсгийг эзэлсэн бөгөөд эдгээрийн 77 хувьд төрийн байгууллагуудаас хариу өгч шийдвэрлэсэн байна. “1111” төвийн нэг жилийн ойн босгон дээр иргэдийн санал хүсэлтэд төрийн байгууллагууд хэр шуурхай хариу өгч, ямар чанартай шийдвэрлэснийг ч дүгнэж гаргасан юм.
Энэ шалгуурт Эрүүл мэндийн яам хамгийн элдэг байж, иргэддээ хүрч үйлчилсэн байгууллагаар шалгарчээ.